Kosovarët nuk do të paguajnë 1.21 cent për një litër naftë. Edhe benzina do të paguhet më pak se 1.31 cent për litër.
Ndonëse ende nuk dihet sa do të jetë, pasi varet nga lëvizjet në bursë, çmimi i derivative do të bjerë për shkak të tarifave të vendosura nga presidenti amerikan, Donald Trump.
Kryetari i Shoqatës së Naftëtarëve, Fadil Berjani, tha se bazuar në standardin kosovar 1 euro për litër do ishte ideal, por kjo varet nga bursa ndërkombëtare.
Veç qytetarëve ndikim pozitiv nga kjo ulje do ia shohin edhe prodhuesit. Sipas tij institucionet kosovare duhet të jenë të gatshme për t’u përshtatur çdo ndryshimi në arenën ndërkombëtare.
Edhe gardianët e konsumatorëve kërkojnë që shteti të lehtësojë barrën tatimore. Pas shpalljes së tarifave të reja nga Trump, çmimet e naftës ranë ndjeshëm, duke rritur frikën për recesion në SHBA por edhe vënien në vështirësi tek kompanitë e vogla energjetike amerikane.
Në Maqedoni Komisioni Rregullator për Energjetikë (KRRE) solli vendim, me të cilin bëhet ulja e çmimeve të shitjes me pakicë të derivateve të naftës, mesatarisht për 0,87 % në raport me vendimin e datës 01.04.2025.
Çmimet referente të derivateve të naftës në tregun botëror, në krahasim me përllogaritjen e mëparshme shënojnë ulje mesatarisht: te benzina 0,730%, te nafta për 1,046%, te vaji ekstra i lehtë është për 1,189% dhe te mazuti ulja është për 1,815%.
Nga data 08.04.2025 nga ora 00:01 çmimet maksimale të derivateve të naftës do të jenë:
EUROSUPER BS – 95 76,00 (denarë/litër) (1.24 euro)
EUROSUPER BS – 98 78,50 (denarë/litër) (1.28 euro)
EURODIESEL BS (D-Е V) 68,50 (denarë/litër) (1.12 euro)
Vaj për djegie Ekstra i Lehtë 1 (EL -1) 68,50 (denarë/litër)
Mazut М-1 SU 41,025 (denarë/kilogram)
Çmimet e shitjes me pakicë të benzinës EUROSUPER BS – 95 dhe EUROSUPER BS – 98, si dhe të EURODIZEL BS (D-Е V) dhe Vajit Ekstra të Lehtë për amvisëri (EL-1) ulen për 0,50 den/litër.
Çmimi i shitjes me pakicë të Mazut M-1 SU, ulet për 0,680 den/kg dhe tani do të jetë 41,025 den/kg.