Ish paparaci Fabrizio Corona, ka njoftuar përmes Instagram se ka marrë një paralajmërim ligjor nga Chiara Ferragni përmes avokatit të saj.
Ky paralajmërim lidhet me një marrëveshje private të nënshkruar mes Corona-s dhe Ferragni-t më 15 shtator 2023, ku Corona ishte angazhuar të përmbahej nga bërja e komenteve apo publikimeve që mund të dëmtonin imazhin e Ferragni-t.
Sipas të dhënave, Chiara Ferragni kërkon një dëmshpërblim prej 1,1 milionë eurosh për 11 shkelje të supozuara të kësaj marrëveshjeje.
Fabrizio Corona ka lidhur këtë paralajmërim me publikimin e një episodi të ri të formatit të tij “Falsissimo”, ku ai kishte premtuar të zbulojë informacione të reja mbi jetën private të Chiara Ferragni-t dhe Fedez-it.
Në këtë episod, Corona ka përmendur një tradhti të supozuar të Chiara Ferragni-t me këngëtarin Achille Lauro dhe një lidhje të mundshme të Fedez-it me modelen Angelica Montini.
Corona ka postuar në Instagram një kopje të paralajmërimit ligjor, duke u shprehur se nuk do të ndalojë botimin e materialeve, që janë pjesë e punës së tij.