Shtetet e Bashkuara janë në gatishmëri të lartë pas tensioneve të fundit në qytetin e Los Angeles. Gjeneral Major Scott Sherman, zëvendëskomandant në Gardën Kombëtare, njoftoi se trupat e marinsave pritet të vendosen së shpejti në rrugët e qytetit si pjesë e një operacioni për menaxhimin e trazirave civile.
Sipas Sherman, rreth 4,700 trupa të Gardës Kombëtare janë angazhuar në operacion, ndërsa 700 marinsa ndodhen aktualisht në fazën e trajnimit për situata të ndjeshme me civilë. Ai theksoi se ushtarakët nuk do të mbajnë municion të vërtetë dhe nuk do të kryejnë arrestime, por do të ndalojnë përkohësisht individë deri në ndërhyrjen e policisë.
“Ata nuk kryejnë arrestime,” sqaroi Sherman për gazetarët. “Roli i tyre është të ndalojnë përkohësisht dhe të mbështesin forcat e rendit.”
Masat e marra nga autoritetet vijnë si përgjigje ndaj shqetësimeve për përshkallëzim të protestave dhe trazirave të mundshme në zonë. Qëllimi i vendosjes është ruajtja e rendit publik dhe parandalimi i çdo forme dhune në rrugë.