Komisioni Qendror i Zgjedhjeve ka sqaruar se nuk ka asnjë vendim për të përjashtuar votat e ardhura nga Greqia nga procesi i numërimit dhe vlerësimit.
Në një deklaratë për shtyp, KQZ theksoi se vendimi i dhënë një ditë më parë ka të bëjë vetëm me administrimin e dokumentacionit zgjedhor të votuesve jashtë vendit, dhe synon të sigurojë një proces të rregullt e të qartë gjatë shqyrtimit të votave për 12 qarqet e vendit.
“Komentet kundërshtuese janë rezultat i keqinterpretimit ose spekulimeve,” thuhet në deklaratën zyrtare të institucionit.