Pas disa vitesh shtyrjesh, Shqipëria do të zhvillojë censin e dytë të bujqësisë dhe blegtorisë, i cili do të mbledhë të dhëna të detajuara mbi njësitë ekonomike bujqësore, numrin e bagëtive dhe përdorimin e tokës.
Projektligji i ri parashikon që dhënia e informacionit të jetë detyrim ligjor. Refuzimi ose deklarimi i të dhënave të rreme do të ndëshkohet me gjoba nga 30 mijë deri në 100 mijë lekë.
Shuma e parashikuar për realizimin e procesit është 890 milionë lekë, e financuar nga buxheti i shtetit dhe donatorët ndërkombëtarë.
Ky cenc do të krijojë një regjistër statistikor të njësive bujqësore, që do të përdoret vetëm për qëllime statistikore nga INSTAT dhe nuk do të shërbejë për regjistra administrativë.
Mbledhja e parë e të dhënave për sektorin u krye në vitin 1998, ndërsa censusi i fundit i plotë është realizuar në vitin 2012. Procesi ishte parashikuar për vitin 2022, më pas 2024, por tashmë afati i ri është 2026.
Ask ChatGPT