Callum Turner dhe Dua Lipa po e shijojnë në maksimum romancën e tyre, e cila duket më e fortë se kurrë.
Aktori britanik, 35 vjeç, në një intervistë për Etalk u pyet për planet e tij të ardhshme me këngëtaren shqiptare me famë botërore, 30-vjeçaren e hitit “New Rules”. Përgjigjja e tij ishte e thjeshtë, por e fuqishme:
“Shpresoj të jem me të thjesht përgjithmonë.”
Intervistuesi iu kthye: “Kjo është gjithçka që duhet të dimë”, ndërsa Turner shtoi: “Kjo është e vërtetë.”
Romanca mes dyshes nisi në janar 2024 dhe shumë shpejt u kthye në një histori dashurie të madhe. Thashethemet për fejesë nisën të qarkullonin në dhjetor të po atij viti, kur Dua publikoi disa foto me një unazë diamanti. Ajo e konfirmoi fejesën vetëm në qershor, përmes një interviste për British Vogue:
“Po, jemi të fejuar. Është shumë emocionuese. Ky vendim për të u rritur bashkë, për të parë një jetë përpara dhe për të qenë thjesht miqtë më të mirë përgjithmonë është një ndjenjë shumë e veçantë.”
Vetëm muajin e kaluar, këngëtarja e “Training Season” foli për jetën e saj sentimentale për kopertinën e Harper’s BAZAAR:
“E dua dashurinë. Është diçka e bukur. Është shumë frymëzuese. E gjen veten duke rënë vazhdimisht, intensivisht, në mënyrën më të mirë të mundshme.”
Edhe pse dëshiron të ndajë më shumë me publikun, Dua theksoi se shpesh zgjedh ta mbajë private jetën e saj personale.
Sipas People, çifti është i lumtur në periudhën e fejesës dhe nuk ka asnjë nxitim për martesë, duke preferuar ta shijojnë çdo moment të lidhjes së tyre.