TIRANË– Sulmuesi i Kombëtares, Armando Broja bëri një performancë të mirë mbrëmë kundër Andorrës duke dhënë edhe asist te goli i dytë i Rei Manaj. Pas ndeshjes, ai u shpreh shumë i lumtur që e nisi sfidën si titullar dhe arritën të fitojnë një ndeshje të vështirë.
“Ishte shumë mirë për ne, e dinim që Andorra do të ishte një ekip i vështirë pasi hyn në mbrojtje dhe e patë edhe ju që me 5 mbrojtës është shumë e vështirë që të shkosh në sulm dhe të arrish në zonën për të bërë gola. E dinim që do të kishim dy ndeshje të vështira, normalisht që Anglia është një nivel shumë i lartë por edhe Andorra e dinim që do të ishte kështu, janë ndeshje që bëjnë diferencën, ishte 3-0 për ne, një ndeshje shumë e mirë. Kishim mundësinë për të bërë prapë gola, por e rëndësishme është që luajtëm mirë dhe kontrolluam ndeshjen. Ishte shumë kënaqësi të luaja sepse kam kaluar një dëmtim të gjatë, është e vështirë për mua që prej dy-tre vjetësh, doja të isha mirë fizikisht dhe i shëndetshëm edhe të kënaqesha me veten dhe futbollin dhe sot e kisha këtë mundësinë. Trajneri më vendosi në krah të djathtë, unë mund të luaj edhe në të majtë dhe sulmues, i bëj të tre pozicionet sepse mund të kem topin në këmbë dhe të krijoj shanse, jo vetëm për të bërë gola. Tifozët më kanë dhënë një mbështetje shumë të bukur sot që u ktheva dhe isha i kënaqur që isha titullar. Kam qejf edhe të bëj gola normale, por sot e dinim që do të ishte ndeshje e vështirë. Ata rrinë me 5 mbrojtës dhe jam i kënaqur që e nisa titullar dhe që dhurova asist.”-tha Broja për mikrofonat e “FSHF”-së./Radar.al
‘Sigal Prishtina’ përballë ‘Beslidhjes’, ndeshja kualifikuese për “Liga Unike”