Ish-banorja e Big Brother, Brikena Selmani, ka folur për eksperiencën e saj në spektakël dhe marrëdhënien me partnerin e saj, Mateo Borrin, gjatë një interviste në emisionin Goca dhe Gra.
Ajo u shpreh se, ndonëse ka dalë nga gara para disa konkurrentëve, ndjehet e vlerësuar nga publiku dhe ka marrë mbështetje edhe pas daljes nga shtëpia.
Duke folur për imazhin e saj publik, Brikena theksoi se ka dashur të tregojë karakterin e saj të vërtetë dhe jo një perceptim të krijuar nga pamja apo veshja.
Sa i përket jetës personale, ajo tregoi se marrëdhënia me Mateon po vazhdon mirë edhe jashtë spektaklit.
“Kur vij në Tiranë jam në prezencë të Mateos, ndihem shumë mirë me të dhe shpresoj të mos ndahemi. Nuk dua as ta mendoj ndarjen”, u shpreh ajo.
Brikena shtoi gjithashtu se ka marrë oferta pas përfundimit të programit dhe la të hapur mundësinë për t’u rikthyer në televizion, pa zbuluar ende detaje konkrete për projektet e ardhshme.