TIRANË– Moderatorja e njohur Bora Zemani do të jetë e ftuara e radhës në podcast-in e Grida Dumës. Siç paralajmëron edhe promoja e publikuar së fundmi. Në fokus të bisedës është një nga temat më delikate në një marrëdhënie: Falja.
Për herë të parë pas një periudhe të gjatë, Bora flet hapur për këtë çështje, duke e lidhur në mënyrë të tërthortë, por të qartë, me ribashkimin e saj me aktorin Donald Veshaj.
Grida e pyet drejtpërdrejt: Në çfarë niveli fal ti?
“Natyrisht nuk fal me naivitet, nuk fal se po gënjehem. Fal me koshience të plotë, e di ku është gabuar, por unë do e fal, do e tejkaloj këtë gjënë.”- shprehet ajo.
Ndër të tjera Bora thekson se falja nuk nënkupton heqje dorë nga parimet personale, por një përpjekje për të shpëtuar atë që ka ende vlerë.
“Nuk e bëj duke zgjeruar kufijtë, jo, kufijtë ngelen të njëjtat… Nëse ka mundësi të shkatërrohet një marrëdhënie dhe të prishet, a kishte ndonjë mundësi për t’u shpëtuar kjo marrëdhënie?”/Radar.al