Partia Demokratike së fundmi mësohet se ka dorëzuar një kallëzim zyrtar pranë Komisionit Qendror të Zgjedhjeve.
Bëhet fjalë për denoncimin e vendimit të kryeministrit Edi Rama sa i përket dhënies së bonusit të pranverës për pensionistët.
Referuar dokumentit të siguruar në shkresën zyrtare drejtuar KQZ-së, Partia Demokratike rendit një sërë shkeljesh ligjore.
Sipas saj bëhet fjalë për disa shkelje që janë kryer nga kreu i qeverisë përmes përdorimit të fondeve publike vetëm pak javë para zgjedhjeve parlamentare të 11 majit.
PD vlerëson se ky vendim është i papranueshëm dhe përbën një akt të pastër elektoral që bie ndesh me parimet dhe nenet e Kodit Zgjedhor.
Më tej opozita ka ngritur dyshime nëse shpërndarja e bonusit synon të ndikojë politikisht në zgjedhjet e ardhshme për Kuvendin e Shqipërisë.
