Në një ditë plot takime, bisedime dhe udhëtime në Berlinin e siguruar nën masa të rrepta, kancelari kristiandemokrat Friedrich Merz duket mjaft i preokupuar. Merz përpiqet të gjejë fjalët e duhura, bën ndërprerje të gjata, kur flet për luftën sulmuese ruse ndaj Ukrainës. Presidenti ukrainas Volodymyr Zelenski është i ulur në sallë në radhën e parë në konferencën ekonomike gjermano-ukrainase, vetëm pak metra larg kancelarit Merz.
Friedrich Merz përpiqet të jetë i kontrolluar
Kancelari duke iu marrë zëri: “Ndonjëherë kur zgjohem në mëngjes dhe mendoj për një çast, a është kjo e gjitha një ëndërr e keqe? E në të njëjtën minutë e kam të qartë: Jo, kjo nuk është një ëndërr e keqe, por ky është prej katër vjetësh një makth i përditshëm.”
Çdo ditë Volydymyr Zelenski përjton këtë makth. Por këtu në sallë mbëhstetja për të është e madhe, edhe pse është krejt e paqartë, se çfarë mund të kontribuojë kontinenti i vjetër, Europa, në mënyrë që armët në Ukrainë të heshtin. Zelenski thotë: “Ne nuk duhet të harrojmë, se nga erdhi kjo luftë, kush e solli këtë luftë në Europë.” Dhe ashtu si shpesh herë ai shtoi, çdo plan paqeje në fund duhet të ruajë dinjitetin e vendit të tij.
Dy ditë bisedime me SHBA-në
Që nga e diela (14.12.2025) Zelenski ka biseduar pesë orë në Berlin me ndërmjetësuesin e SHBA-së Steve Witkoff dhe dhëndrin e presidentit Donald Trump, Jared Kushner. Gjatë ditës së hënë (15.12.2025) nga bisedimet nuk pati të dhëna publike mbi përmbajtjen e tyre. Zëdhënësi i qeverisë gjermane në Berlin Stefan Kornelius u përpoq të deklarojë përmbledhtas në konferencën qeveritare të shtypit , “…se përpjekjet për armëpushim po ecin me luhatje të mëdha të lavjerësit.” Me fjalë të tjera kjo do të thotë: Pozicionet janë larg njeri-tjetrit dhe propozimet ndryshojnë shpesh.
A po heq dorë Zelenski nga anëtarëismi në NATO?
Para tri javësh presidenti i SBA-së Donald Trump për një paqe në Ukrainë paraqiti një plan prej 28 pikash, në të cilin merreshin parasysh gjerësisht interesat e Rusisë si vend agresor. Ky plan tashmë duket se është shmangur, por edhe tani prej Ukrainës po kërkohen shumë lëshime: Se çfarë përban plani 20 pikësh tani, askush nuk e di saktë.
Fjala është për të hequr dorë nga një antarësim në NATO, që Zelenski në situatën e vështirë që është do ta pranonte. Dhe bëhet fjalë për shkëputje territoresh, për të cilat në këmbim Ukrainës do t’i jepen garanci sigurie për të parandaluar një agresion të ri rus në të ardhmen. Ndërmjetësuesi i SHBA-së Witkoff në fund të bisedimeve u shpreh pozitiv. Janë arritur “shumë përparime”, shkruan ai në platformën X. Lidhur me këtë më pas kancelari Merz tha, se kaq afër një armëpushimi nuk kemi qenë asnjëherë më parë.
Ukraina e gatshme për zgjedhje të reja
Presidenti ukrainas në mesditë u prit në rezidencën presidenciale në kështjellën Bellevue nga presidenti Frank-Walter Steinmeier (përzemërsisht duke u përqafuar ndërsa në çatinë e kështjellës si masë sigurie ishin vendosur snajperistë). Zelenski më pas u paraqit në Bundestag, ku u takua me presidenten e parlamentit Julia Klöckner (CDU). Në këtë takim u fol edhe për mundësinë e zgjedhjeve në Ukrainë, një çështje që e kërkon SHBA nga Ukraina e sulmuar. Zelenski duket të jetë i gatshëm t’i përgjigjet kësaj kërkese. Për të pranuar kërkesën e presidentit Donald Trump – dhe për të rritur legjitimitetin e vet. Takimet e shumta protokollare këtë të hënë në Berlin synojnë të tregojnë, se Gjermania qendron e palëkundur në anën e Ukrainës së sulmuar.
Pistorius propmovon këndvështrimin e Europës në televizionin e SHBA-së
Këto imazhe dhe ky mesazh është e vetëkuptueshme që duhet të shikohen në Ukrainë, por në radhë të parë në SHBA. Sepse së fundi dukej, sikur negociatorët nga Uashingtoni dhe Moska bien dakord për një plan paqeje, pa u konsultuar me europianët. Por njëkohësisht ministri i Mbrojtjes socialdemokrati Boris Pistorius bën të qartë, që Europa është e vetëdijshme edhe për rreziqet për pjesën perëndimore të kontinentit. Në intervistë për televizionin amerikan në emisionin “60 Minutes” ai thekson edhe njëherë, se Gjermania duhet të jetë e përgatitur për luftë deri më 2029. Nuk bëhet më fjalë vetëm për Ukrainën, por fjala është për sigurinë e Europës.
Moska e palëkundur
Në mbrëmje edhe njëherë një sinjal i fuqishëm i Europës për Ukrainën. Në Berlin mbërrijnë presidenti i Francës Emmanuel Macron, kryeministri britanik Keir Starmer. Edhe sekretari i përgjithshëm i NATO-s Mark Rutte dhe presidentija e Komisionit të BE-së Ursula von der Leyen vijnë në Berlin. Për bisedimet në Berlin vijnë edhe të tjerë kryeministra nga vendet e BE-së, si nga Italia e Danimarka. Një sinjal ky, që Europa po bën çdo përpjekje për të arritur një paqe të drejtë në Ukrainë. Por a do të arrihet sikurse shpresohet një armëpushim deri për Krishtlindje? Deri tani luftimet në Ukrainë vazhdojnë pa ndërprerje, dhe krerëve drejtues në Moskë duket se nuk u bëjnë përshtypje zhvillimet në Berlin.
