Sistemi elektronik i Policisë së Maqedonisë së Veriut ka rënë në të gjithë territorin, duke shkaktuar ndërprerje të përkohshme në përpunimin e hyrje-daljeve në pikat kufitare. Si pasojë, autoritetet maqedonase kanë kaluar në regjistrim manual të udhëtarëve dhe është rikthyer kontrolli i dyfishtë kufitar.
Qendra Kombëtare për Menaxhim Kufitar në Kosovë ka njoftuar qytetarët për vonesa të gjata dhe kolona të stërzgjatura në kufi, duke këshilluar udhëtarët të planifikojnë udhëtimin me kujdes.
Derisa sistemi të rikthehet në funksion, pritet që situata të mbetet e ngarkuar. QKMK ka premtuar njoftime në kohë reale për çdo zhvillim të mëtejshëm.