Gjatë konferencës së sotme për gazetarët, kryedemokrati Berisha komentoi më tej dhe gjendjen aktuale sa i përket konflikteve mes demokratëve.
Berisha iu përgjigj deklaratave të fundit të bëra nga Sula si dhe ftesës që i bëri sot Edi Rama.
Përgjatë fjalës së tij Berisha shprehet se sipas tij Dashi dhe Lapaj janë paterica të kryeministrit aktual të vendit tonë.
“Dash Sula është eksponent i PD dhe vendi i tij është këtu. Njeri të pagabueshëm nuk ka. Ideja e tij për të gjetur strehë te Lapaj e mori përgjigjen sot nga Rama. Rama i tha se sa shkon te Lapaj, hajde te unë, njëlloj është, i tha se jam unë padroni. Këtu shifet se sa e gabuar ishte përzgjedhja që bëri Dashi me Lapajn. Ata janë njëlloj, paterica të Edi Ramës. Dashnor Sulo është një eksponent i PD me investime reale në këtë parti dhe vendi i tij është në PD”, u përgjigj Berisha.