Sali Berisha, ish-kryeministër i Shqipërisë dhe kreu aktual i Partisë Demokratike, ka publikuar në rrjetet sociale pamje nga ardhja e mbështetësve të opozitës në Tiranë për të mbajtur një protestë kombëtare para kryeministrisë.
Protesta është organizuar për të kundërshtuar masën e arrestit të vendosur ndaj tij, pas hetimit të SPAK për procedurat e privatizimit të kompleksit “Partizani”, me dyshime për favorizimin e dhëndrit të tij, Jamarbër Malltezi. Berisha shprehet entuziast për numrin e madh të protestuesve, e cilëson si “vërshim të papërmbajtur drejt Tiranës”.