Me performancën e saj në “Albania’s Got Talent”, konkurrentja Flora Zenuni bëri bujë nëpër rrjet. Pas videove të publikuara dhe reagimeve të shumta Flora vendosi të na zbulonte se pse zgjodhi pikërisht këngën “Cheri Cheri Lady”.
Konkurrentja rrëfeu ditën e djeshme në Living Room emocionet që përjetoi gjatë performimit.
Pjesë nga biseda:
Flora: Kjo këngë më ka pëlqyer që në moshën e rinisë, e dëgjoja shpesh në emisionet e mëngjesit edhe e këndoja, e shoqëroja me zërin tim. Edhe thashë pse mos ta këndoj. Unë pëlqej edhe shumë këngë të tjera, kjo është më e veçanta që unë e preferoj.
Brunilda Lahe: Shumë mirë ke bërë që e ke kënduar. Janë të shumtë ata njerëz që në rrjetet sociale e këndojnë bashkë me ty dhe me zërin tënd, siç ti e ke kënduar me zërin e këngëtares dikur.
Flora: Më vjen mirë për këtë gjë.
Brunilda Lahe: Ky është fakt.