Një ngjarje e rëndë mësohet të ketë ndodhur pasditen e sotme ku një makinë tip Benz Mercedes ka marrë flakë në rrugën nacionale Jorgucat-Sarandë.
Ngjarja mësohet të ketë ndodhur në Qafën e Muzinës.
Drejtuesi i mjetit, Kristaq Thoma nga Saranda shprehet se po udhëtonte me familjen, bashkëshorten dhe një fëmijë.
Në momentin që kanë vënë re se mjeti po nxehet ata kanë nxituar dhe janë larguar nga makina.
Pas pak automjeti ka shpërthyer në flakë dhe është djegur plotësisht.
Fatmirësisht të gjithë anëtarët e familjes Thoma kanë shpëtuar pa lëndime.
Policia ka nisur një hetim për shkaqet e që mund të kenë nxitur zjarrin e që paraprakisht dyshohet se kanë të bëjnë me gjendjen teknike të mjetit.