Policia e Durrësit ka dhënë sot detaje mbi ngjarjen e ndodhur pasditen e djeshme, më 20 gusht, në fshatin Hamallaj Sektor, ku një konflikt për parkimin e një automjeti përfundoi me të shtëna armësh dhe me plagosjen e 28-vjeçarit Liridon Rata.
I riu, banues në Kolesjan të Kukësit, u dërgua menjëherë në Spitalin e Traumës në Tiranë dhe ndodhet jashtë rrezikut për jetën.
Sipas policisë, autor i dyshuar është Alfons Lekgegaj, 37 vjeç, i cili në bashkëpunim me vëllanë e tij Altin Lekgegaj (44 vjeç) dhe nipin Serxho Lekgegaj (21 vjeç), pas një konflikti që nisi me sende të forta, qëlloi me armë zjarri ndaj 28-vjeçarit.
Në pranga ranë Alfons Lekgegaj dhe Armen Sabliqi (18 vjeç), në lokalin e të cilit u sekuestruan edhe dy thika të mbajtura pa leje. Ndërsa Altin dhe Serxho Lekgegaj janë shpallur në kërkim.
Policia njofton se vijojnë hetimet për zbardhjen e plotë të ngjarjes dhe kapjen e personave të tjerë të përfshirë.
Radar.al