Pas muajsh aludimesh se martesa e tij me Jennifer Lopez ka përfunduar, mendohet se Ben Affleck është sërish beqar.
Çifti thuhet se ka finalizuar divorcin e tyre, me burime që pohojnë se ata tani po presin vetëm kohën e duhur për ta shpallur atë.
Por Ben mund të ketë tashmë një romancë të re në Hollywood. Bëhet fjalë se aktorja e njohur, Jennifer Aniston ka një pëlqim të fortë ndaj 51-vjeccarit.
Një burim na thotë se ylli i “Friends”, 55 vjeç, ka pasur një dashuri të fshehtë me Ben, që kur ata luajtën në një film së bashku 15 vjet më parë, dhe ajo shpreson që një ditë të jetë Jenniferi i tretë i Ben, pas ish-bashkëshortes së tij, Jennifer Garner dhe këngëtares Jennifer Lopez.
Affleck dhe Aniston luajtën në filmin “He’s Not That Into You”, dhe burimi për revistën “Heat” është shprehur: “Kur ata xhiruan atë film, kishte një kimi të dukshme. Ata ishin të dy me njerëz të tjerë, kështu që asgjë nuk ndodhi. Tani, Jen po i kushton shumë vëmendje”.
“Jenifer ka vite që është pak e dashuruar me Ben dhe tani që gjërat mes tij dhe J-Lo po shfaqen hapur, ka një mundësi reale për të kompensuar kohën e humbur”, shton burimi.