Këngëtarja shqiptaro-amerikane Bebe Rexha ka surprizuar audiencën amerikane gjatë paraqitjes së saj në emisionin televiziv The Jennifer Hudson Show, duke treguar një tjetër dimension të talentit të saj vokal.
Gjatë intervistës për albumin e saj të ri “Dirty Blonde”, Rexha këndoi papritur arien klasike “O mio Babbino Caro” si soprano, një performancë që la pa fjalë publikun në studio dhe shikuesit para ekranit. Zëri i saj i pastër dhe kontrolli vokal u prit me duartrokitje të shumta, duke dëshmuar se artistja zotëron aftësi që shkojnë përtej muzikës pop.
Ky moment nuk erdhi rastësisht; Rexha ka ndjekur kurse për opera dhe është trajnuar teknikisht në këndim klasik, një fakt që shumë fansa mund të mos e kenë ditur.
BEBE REXHA SINGING OPERA
Mind you she's classically trainedpic.twitter.com/jJLArvKk7W— Bee – (@dramabeez) February 17, 2026
Performanca e saj u konsiderua një dëshmi e diapazonit të gjerë vokal dhe shkathtësisë artistike, duke treguar se ajo mund të kalojë me lehtësi nga pop-i modern te interpretimet klasike që kërkojnë teknikë të lartë.
Paraqitja në këtë emision vjen në një periudhë të rëndësishme për karrierën e saj, ndërsa Rexha promovon projekte të reja muzikore dhe vazhdon të dëshmojë se mbetet një nga artistet më të gjithanshme të skenës ndërkombëtare.
