Presidentja e Komisionit Evropian, Ursula von der Leyen, zhvilloi një bisedë telefonike me presidentin e Libanit, Joseph Aoun, gjatë së cilës shprehu solidaritetin e Bashkimit Evropian me Libanin dhe qytetarët e tij.
Përmes një postimi në platformën X (Twitter), von der Leyen bëri të ditur se BE-ja ka vënë në dispozicion 100 milionë euro ndihmë humanitare për Libanin.
Ajo njoftoi se vetëm një ditë më parë janë dërguar mbi 40 tonë furnizime humanitare, ndërsa janë në plan edhe fluturime të tjera për të çuar ndihma shtesë në vend.
Në mesazhin e saj, presidentja e Komisionit Evropian përshëndeti gjithashtu vendimin e qeverisë libaneze për të ndaluar të gjitha aktivitetet ushtarake të Hezbollah, si dhe thirrjen për ndërprerjen e armiqësive.