Përgjatë një interviste në “Vizionin e Pasdites” bashkëshortja e aktorit të mirënjohur shqiptar, Albert Verrisë i njohur ndryshe si “xha Sulo” na zbuloi disa detaje nga njohja e parë me partnerin e saj.
Ajo deklaron se kishte qenë në një lagje me aktorin. Më tej ajo shton se Alberti ishte shumë i përkushtuar në punë, ishte gjatë gjithë kohës në xhirime dhe prova për film apo teatër.
“Kemi qenë njëri në një cep të pallatit, e njëri në tjetrin. Mua më pëlqente, mënyra e të veshurit më bënte përshtypje. Berti kishte hyrë në muahbet me babin tim. Babit tim i pëlqente si dhëndër. Një miku i familjes sonë kishte shoqëri me Bertin, ai na lidhi. E shprehte dashurinë”, tha Verria.
“Ishte gjithë kohës pothuajse i ikur në teatër, angazhohej me filma. Filmi i parë ka qenë “Dasma”, më vonë tek filmi “Ura” që ka atë shprehjen e famshme “Po me urën çpatët?” Jemi martuar brenda 6 muajve. Nuk bëmë dasmë të madhe, një gjë të thjeshtë. Jemi takuar me prindërit e tij, i ati një zotëri, e ëma një zonjë e vërtetë. Kur sëmureshin fëmijët ai nuk ishte se ishte në xhirime, por unë kisha afër prindërit e mi. Megjithatë ai ishte i përkushtuar, do merrte në telefon gjithmonë”, deklaroi ajo.