Prej ditës së djeshme Vlora ka qenë nën pushtetin e shirave të rrëmbyeshëm dhe përmbytjeve.
Rrugët e qytetit u shndërruan në lumenjë, ku shumë banesa, biznese dhe makina u përfshinë nga uji.
Që nga momenti i reshjeve të rrëmbyeshme, në disa zona u ndërpre energjia elektrike pasi kabinat u mbushën me ujë dhe për të shmangur tragjeditë, OSHE vendosi t’i ndërpresë shërbimet deri sa situata të normalizohet.
Bashkia e Vlorës njoftoi se evakuuoi 33 familje me 55 pjesëtar në konvikt për shkak të ujit që hyri në banesa.
Gjatë ditës së sotme emergjencat civile shprehën gatishmërinë e tyre për të larguar ujin dhe objekte të ndryshme që bllokuan akset.
Por siç ju raportuam dhe pak më herët, banorët bënë apel se ata kanë humbur gjithçka dhe nuk mund të jetojnë më në banesat e tyre për shkak të problemeve të shkaktuara.
Qytetarët janë shprehur se ata kanë kërkuar ndihmë në momentet e vështira, por nuk kanë marrë asnjë përgjigje nga instuticionet përkatëse dhe janë mbledhur të gjithë të afërmit duke I ardhur në ndihmë njëri-tjetrit.
Ndërsa, Ministria e Mbrojtjes raportoi se prej ditës së djeshme Forcat e Emergjencës ndodhen në terren dhe po punojnë për të ndihmuar banorët në nevojë.
Po ashtu, bashkia bëri me dije se ka nisur bilancin e dëmeve në vend ndonëse situata nuk është normalizuar dhe rrugë në zona të ndryshme janë nën ujë.
LEXO EDHE:
Pamje shokuese/ Gurë dhe baltë nëpër shtëpi, banorët e Vlorës përfundojnë “në qiell të hapur”
“Shtëpia u mbyt komplet”/ Nëna me 4 vajzat e mitura para dyerve të Perfekturës
Katastrofa e së djeshmes/ Qytetarja me lot në sy: 2 pako makarona që kishim na i mori uji
Vlora në prag “të fundosjes”/ Kryebashkiaku: Qytetarët të jenë pak të duruar, po punohet
Vlora, “Venezia e dytë”/ Banorët e nisin ditën me këmbë në ujë