Autoritetet italiane kanë zbuluar dhe goditur një organizatë kriminale të specializuar në trafikun e drogës, e cila operonte nën një sistem mbikëqyrjeje të vazhdueshme dhe të përhapur në territor. Hetimet zbuluan se kreu i grupit ishte Rosario Marando, i lindur në Locri më 1968 dhe banues në Romë, i cili drejtonte trafikun edhe ndonëse ishte në arrest shtëpiak. Ai dyshohet se përdorte metoda mafioze për të ruajtur një monopol mbi shitjen e drogës.
Si rezultat i operacionit, autoritetet italiane kanë përfunduar hetimet për 31 persona, mes tyre edhe disa shtetas shqiptarë. Emrat e të përfshirëve përfshijnë: Marco Altomare, Fatjon Berisha, Drini Beshtika, Marco Bettini, Antonio Callipari, Alessio Cervellini, Mariglen Cybi, Alessio Di Pietro, Giuseppe Fiorillo, Jurgen Havalja, Marco Lenti, Francesco Marando, Rosario Marando, Luigi Marando, Antonio Marando, Erald Marku, Beqir Mema, Federico Mennuni, Maurizio Miconi, Francesco Molluso, Francesco Mozzetta, Riza Muco, Domenico Natale Perre, Domenico Pangallo, Elis Roga, Arjan Sagajeva, Stefano Sbardella, Pasquale Trimboli, Angelo Turone, Maurizio Valeri dhe Gian Claudio Vannicola.
Hetimet e DDA-së nxjerrin në pah strukturën e mirëorganizuar të grupit dhe ndikimin e tij në tregun e drogës, duke treguar metodologjinë mafioze të përdorur për të ruajtur kontrollin mbi aktivitetin kriminal.