Seanca e sotme parlamentare nisi me përplasje mes opozitës dhe mazhorancës, pasi të parët pretendojnë se zsgjedhjet e 11 majit nuk u realizuan siç duhet.
Teksa demokratët, Gjekmarkaj dhe Noka pretendonin se votat e diasporës shqiptare janë vjedhur, nga ana tjetër Balla nuk ua kursen ironitë.
“Jeni pengje të mallkimit që e ka emrin Berisha” është dëgjuar të shprehet Balla në seancë.
Taulant Balla: Ju shkoni nga dështimi në dështim. Në këtë vend Sali Berisha nuk ka fituar asnjëherë zgjedhje. PS ju ka mundur dhe ju kemi mundur të paktën në vota jo në mandate edhe në 2005 edhe në 2009. PS si subjekt zgjedhor ka marrë më shumë vota se PD. Pastaj nga 2013 ju kemi mundur çdo vit e më thellë. Ai i 2025 është një rezultat historik.
E kuptoj që ju problemin nuk e keni me ne. Ju problemin e keni se në 2025 keni marrë më pak vota se në 2021. Futët brenda vetes lloj-lloj partish, edhe gjeniun e ri të futbollit ndërkombëtar Selami Jenisheri.
Na jepni ndonjë numër ta marrim ta pyesim të na japë ndonjë skemë. Meqë nuk i fituar zgjedhjet të fitojmë ndeshjen me Serbinë. Ju jeni pengje të një mallkimi të madh që ka emrin Sali Berisha. Jeni disa lodra që jeni turrur të bëni pis Shqipërinë.