Ndërkohë që SPAK finalizoi operacionin që është vijmësia e ‘’Plumb i artë’’, janë zbardhur disa nga ngjarjet kriminale të bandave.
Vrasja e Andi Zylyfit, një ndër atentatet më të rënda në vend, duket se dosja e tij u la në harresë prej 2019, por SPAK ka arritur të vërtetojë eliminimin e tij.
Vrasja e 26-vjeçarit Andi Zylyfi u regjistrua më 13 dhjetor të vitit 2019. Nga dosja hetimore e cështjes rezultoi se Fatos Gosa i arrestuar në saj të operacionit “Plumbi i Artë”, ka qenë informatori i vrasësve me pagesë.
Fatos Gosa, ka qenë duke luajtur domino me babanë e Andi Zylyfit, kur e ka parë këtë të fundit teksa lëvizte dhe u ka treguar autorëve vendndodhjen e saktë të tij, ku më pas edhe u ekzekutua.
Si ndodhi ngjarja?
Ngjarja e rëndë ndodhi në fshatin Përparim në rrugën nacionale Elbasan-Peqin.
Edhe pse 26-vjeçarit iu dha ndihma e shpejtë, ai mbërriti pa shenja jete në spital. Nga të shtënat me breshëri, ka mbetur i plagosur rëndë edhe Ardit Uruçi, 23-vjeç, banues në fshatin Përparim.
Atentati ndaj dy të rinjve është bërë kur ata ishin së bashku në një makinë tip ‘Golf’ ndërsa dyshohet për hakmarrje mes bandash. Pas atentatit, autorët u larguan në drejtim të pa ditur.
26-vjeçari, Andi Zylyfi i cili humbi jetën nga plagët e marra, mësohet ka lidhje familjare me dy personat që kanë mbetur të vrarë në një atentat në Bradashesh të Elbasanit.
Më 29 dhjetor të 2018 në atentat humbën jetën Endrit Alibej 34-vjeç, Arben Dylgjeri 56 vjeç, si dhe një shtetas turk Erdal Duranay. Konkretisht, Andi Zylyfi ishte, djali i hallës së Endri Alibej, ku ky i fundit u ekzekutua për pazare droge.
Vetë, Andi Zylyfi kishte vetëm pak kohë që ishte kthyer nga emigrimi kur atij iu mor jeta.