Një ngjarje e rëndë mësohet të ketë ndodhur para pak çastesh në Tunelin e Kardhiqit ku një autobus pasagjerësh është përfshirë nga flakët.
Burimet bëjnë me dije se brenda tij ndodheshin pasagjerë të cilët po udhëtonin nga Gjirokastra në drejtim të Tiranës.
Në foton e siguruar nga burimet dallohet shtëllunga e madhe e tymit që ka mbuluar zonën.
Fatmirësisht mësohet se pasagjerët kanë arritur të dalin në kohë dhe ndodhen në gjendje të mirë shëndetësore.
Shkak i flakëve dyshohet se është bërë një shkëndijë elektrike, ndërsa thuhet se ka patur dëme të shumta materaile pasi u dogjën të gjitha gjërat personale të pasagjerëve.