Një tjetër atentat me armë ka tronditur kryeqytetin grek. Në zonën e njohur si “Agio Pandeleimona” të Athinës, është ekzekutuar një shtetas shqiptar. Viktima u qëllua për vdekje në mes të rrugës, ndërsa pranë trupit të tij policia gjeti dokumente identifikimi, përfshirë pasaportën shqiptare.
Burime të policisë greke dyshojnë se vrasja lidhet me larje hesapesh për pazare droge, megjithëse hetimet janë ende në fazën fillestare dhe nuk ka ende detaje mbi autorët apo motivin e saktë. Zona është rrethuar nga policia dhe ekspertët e krimeve të rënda po mbledhin prova në vendin e ngjarjes.