Një 35-vjeçar shqiptar, banues në zonën e Trasimenos, Itali, u arrestua nën akuzën e trafikut të kokainës, pas një operacioni policor që përfshiu fshatrat Fratta dhe Ronzano di Cortona.
Sipas hetuesve, oficerët vëzhguan një furnizim me narkotikë në fshatin Fratta dhe ndoqën trafikantin deri në shtëpinë e tij në fermë, disa kilometra larg. Aty u zbulua se shtëpia përdorej si bazë për aktivitetet e paligjshme.
Kokaina, rreth 250 gramë, ishte fshehur në një gardh. Trafikanti u largua me shpejtësi, por më pas u arrestua. Emri i tij nuk është bërë publik.
Hetimet vijojnë për të zbuluar rrjetin e trafikimit dhe bashkëpunëtorët e mundshëm.