Vajza e reperit Fero dhe modeles Arbenita Ismajli, Nina, duket se tashmë mban mbiemrin e nënës dhe jo më atë të babait. Detaji që ka nxitur reagime në rrjetet sociale u vu re nga ndjekësit në një postim të Arbenitës në Instagram, ku ajo ndau një dokument që duket të jetë një certifikatë nga kopshti i vajzës.
Në dokumentin e publikuar, emri i vajzës shoqërohet me mbiemrin “Ismajli”, çka ka ngritur dyshime se mund të jetë bërë një ndryshim zyrtar i mbiemrit. Nuk ka ende konfirmim nëse ky ndryshim është bërë përmes një vendimi gjyqësor apo është thjesht për përdorim të përkohshëm në institucione.
Prej muajsh, Fero dhe Arbenita janë në qendër të debateve publike për kujdestarinë e vajzës së tyre. Reperi ka akuzuar modelen për shkelje të marrëveshjes së kujdestarisë, duke pohuar se ka kaluar muaj pa mundur të takojë të bijën.