BRITANI E MADHE- Forcat ajrore të Britanisë dhe Francës kanë kryer një operacion të përbashkët mbrëmjen e së shtunës për të bombarduar një depo të dyshuar nëntokësore armësh, e përdorur më parë nga grupi i Shtetit Islamik në Siri, tha ministria e mbrojtjes e Britanisë.
Avionët perëndimorë kanë kryer patrullime për të ndaluar një ringjallje të grupit militant islamik që sundonte pjesë të Sirisë deri në vitin 2019. Analiza e inteligjencës identifikoi një strukturë nëntokësore që besohet se është përdorur për të ruajtur armë dhe eksplozivë në malet në veri të Palmirës, tha Britania.
Sipas deklaratës zyrtare, analiza e kujdesshme e inteligjencës çoi autoritetet në përfundimin se objekti shërbente për magazinimin e armëve dhe eksplozivëve.
Depoja ndodhej në zonën malore në veri të Palmyrës, një sit i lashtë historik në Sirinë qendrore.
“Avionët tanë përdorën bomba të drejtuara Paveway IV për të goditur disa tunele hyrëse që çonin drejt objektit. Treguesit fillestarë janë se objektivi u godit me sukses,” thuhet në deklaratën e Ministrisë së Mbrojtjes britanike.
Autoritetet shtuan se nuk ka asnjë shenjë dëmtimi të civilëve nga sulmi i kryer natën e së shtunës dhe se të gjithë avionët u kthyen në bazë në mënyrë të sigurt. Vlerësimi i detajuar i dëmeve është ende në proces, por zyrtarët besojnë se operacioni ka qenë i suksesshëm./THETIMES/Radar.al