TIRANË– Angelo Haruni është një prej banorëve të BBV5. Përveç lojës dhe strategjisë së tij brenda shtëpisë, vëmendja e publikut është përqendruar edhe te jeta e tij personale, veçanërisht te e shkuara sentimentale.
Prej disa vitesh, Angelo ka qenë në një marrëdhënie me ish-moderatoren e emisionit Wake Up, Neada Muçaj.
Pavarësisht se çifti nuk e bëri kurrë publike romancën e tyre në mënyrë zyrtare, lidhja ka qarkulluar prej kohësh në ambientet mediatike dhe është përfolur shpesh si një histori e rëndësishme në jetën e banorit.
Emri i Neadës është përmendur edhe më herët si pjesë e mundshme e këtij edicioni të Big Brother VIP. Burime pranë formatit bëjnë me dije se ajo mund t’i bashkohet shtëpisë gjatë muajit janar, çka do të ndryshonte ndjeshëm dinamikat brenda lojës. Pa përmendur drejtpërdrejt emra, Angelo ka lënë të kuptohet se përjetimet e së kaluarës kanë ndikuar thellë në mënyrën se si ai e sheh sot dashurinë. Gjatë ditëve të para në shtëpi, ai ka ndarë hapur mendimet e tij mbi marrëdhëniet: Kam humbur besimin në dashuri për momentin. Mendoja se ishte normale të mos ziheshe në një marrëdhënie, por më është thënë se zënkat janë të zakonshme. Ka dallim mes mosmarrëveshjeve të vogla dhe zënkave të vërteta./Radar.al