DURRËS– “Amerigo Vespucci”, e cilësuar edhe si anija më e bukur në botë pritet të mbërrijë të martën e 8 Prillit në Portin e Durrësit.
Mësohet se anija është nisur nga porti i Ortonës në Itali, ndërsa mësohet se do të qëndrojë në qytetin bregdetar të Durrësit deri në 11 Prill.
Ankorimi në Durrës do të jetë i pari nga 2 të tjerët që janë planifikuar jashtë vendit në turin e Mesdheut, së bashku me atë në Valetta të Maltës të planifikuar nga data 25 deri më 29 prill.
Në ceremoninë e pritjes të martën në orën 09:15 do të jetë i pranishëm edhe ministri italian i Mbrojtjes, Guido Crosetto, i cili do të takojë homologun e tij shqiptar në bordin e Vespuccit.
Pjesëmarrës do të jetë gjithashtu edhe ambasadori italian në Shqipëri Marco Alberti. Gjithashtu janë planifikuar një sërë aktivitetesh ku do të jetë edhe kryeministri Edi Rama, ku të mërkurën, në orën 12:00, do të mbahet edhe një konferencë për shtyp për prezantimin e Giro d’Italia 2025, një nga garat çiklistike më të famshme në Evropë, që këtë vit do të nisë Shqipëria./Radar.al
Shkoi për të prerë dru në pyll, 27-vjeçari humb kontatet me familjen (EMRI)