Ish-deputeti i Partisë Demokratike, Enkelejd Alibeaj, e sheh protestën e paralajmëruar më 24 janar si një ngjarje të paplotë dhe pa ndikim real.
Në një intervistë për Radar.al ky është një “film i stërparë” që nuk pasqyron pritshmëritë e shqiptarëve dhe nuk adreson çështjet reale që preokupojnë qytetarët.
“Sot është një pjesë e opozitës e komprometuar, e kapur ndaj dhe protesta më 24 nuk do të sjellë asgjë. Do grumbullohen ca njerëz, do bëjnë një xhiro në bulevard, do dëgjojnë fjalët e Berishës, të përhershmet, me gjasë do hedhin dhe ndonjë shashkë dhe do ndezin ndonjë zjarr dhe do ikin në shtëpi me bisht ndër shalë. Policia do arrestojë disa prej tyre, për prishje të qetësisë publike, do t’i mbajë në burg 2-3 ditë dhe pastaj do t’i nxjerrë. Ky është një film i stërparë që nuk thotë asgjë për atë çfarë shqiptarët presin. Ky është filmi, as mos kini kërshëri”, Alibeaj.