LONDËR-Një incident ka ndodhur në Aeroportin Gatwick në Londër, ku siç kanë raportuar mediat e huaja pjesa më e madhe e Terminalit Jugor të Aeroporti është evakuuar mëngjesin e sotëm për shkak të një incidenti sigurie.
Raportohet se policia britanike gjeti një send të dyshuar të ndaluar në një prej bagazheve të pasagjerëve gjatë kontrolleve.
Aeroporti thotë se po heton dhe se incidenti është në vazhdim, ndërsa Policia e Sussex ka dërguar një ekip për asgjësimin e eksplozivëve si një masë paraprake.
Përmes një postimi në platformën X, aeroporti tha: Siguria e pasagjerëve dhe stafit tonë mbetet prioriteti ynë i parë. Ne po punojmë shumë për ta zgjidhur problemin sa më shpejt të jetë e mundur.
“Mbërrita në Gatëick me një fluturim rutinë. Kalova në doganë dhe mora vesh që po evakuojnë të gjithë aeroportin ”, tha një pasagjer. “Edhe personat që kaluan sigurinë po nxirren jashtë. Trenat janë mbyllur dhe 1000 njerëz në të gjitha rrugët dhe parkingjet janë duke pritur”. Gatëick Express, kompania e trenave që u shërben pasagjerëve të aeroportit, gjithashtu lëshoi një deklaratë për këtë çështje, duke thënë se trenat e saj nuk do t’i afrohen aeroportit deri në një njoftim të dytë. “Policia dhe shërbimet e urgjencës po merren me një incident në aeroport. Për momentin, stacioni dhe aeroporti janë duke u evakuuar. Ne do t’ju këshillonim të shtyni udhëtimin tuaj deri më vonë këtë mëngjes.”- u tha në deklaratë./Radar.al