Detaje të reja për aksidentin e rëndë që u shënua pasditen e sotme në qytetin e Burrelit, në zonën e njohur si “Ish-Agjencia”. Dy automjete tip “Benz” janë përplasur kokë më kokë, duke shkaktuar gjashtë të plagosur.
Sipas informacioneve paraprake, mes të lënduarve janë dy drejtuesit e mjeteve dhe katër pasagjerë. Dy prej të plagosurve ndodhen në gjendje të rëndë dhe janë transportuar drejt Spitalit të Traumës në Tiranë për trajtim të specializuar.
Ndër të dëmtuarit rëndë është edhe një fëmijë 8-vjeçar, i cili është nisur me urgjencë drejt Traumës.
Policia ka identifikuar drejtuesit e mjeteve si shtetasit A.L., 38 vjeç, dhe L.K., 36 vjeç. Grupi hetimor ndodhet në vendngjarje dhe po punon për të përcaktuar shkaqet dhe rrethanat e aksidentit.