Një aksident i rëndë ka ndodhur gjatë kthimit të skuadrës U-20 të Águia de Marabá nga garat e Copinha, turneu tradicional i futbollit për të rinj në São Paulo, Brazil. Autobusi i ekipit u përplas me një kamion të ndalur në mes të rrugës, pa sinjalizim të duhur, në shtetin fqinj Tocantins.
Si pasojë e aksidentit, përgatitësi fizik i ekipit, Hecton Alves, humbi jetën në vendngjarje. Trajneri Ronan Tyezer ndodhet ende në gjendje të rëndë dhe po merr trajtim në kujdesin intensiv. Fatmirësisht, asnjë lojtar nuk pësuan lëndime të rënda, dhe pjesëtarët e tjerë të delegacionit që shpëtuan janë kthyer tashmë në Marabá.
Klubi publikoi një mesazh ngushëllimi në rrjetet sociale, duke shprehur solidaritet me familjarët dhe miqtë e të ndjerit:
“Në këtë moment trishtimi, shprehim solidaritetin tonë ndaj familjarëve, miqve, kolegëve të punës dhe të gjithë atyre që vuajnë për këtë humbje të pakthyeshme. Në shenjë nderimi dhe respekti, bashkohemi në lutje, duke u dëshiruar forcë dhe ngushëllim zemrave të pikëlluara.”