Një aksident i rëndë rrugor është regjistruar pasditen e sotme në autostradën Rrogozhinë–Lushnje, pranë fshatit Golem.
Sipas të dhënave paraprake, një automjet tip “Volkswagen Golf” është përplasur nga pas me një mjet bujqësor (zetor). Përplasja ka qenë e fortë, duke bërë që zetori të zhvendoset për dhjetëra metra në rrugë.
Si pasojë, tre persona kanë mbetur të lënduar: drejtuesi i mjetit bujqësor dhe dy pasagjerë që udhëtonin në “Golf”. Policia rrugore njofton se të plagosurit janë dërguar në spital dhe ndodhen jashtë rrezikut për jetën.
Sipas burimeve policore, dyshohet se “Golf”-i po lëvizte me shpejtësi të lartë në momentin e aksidentit. Ndërkohë, pritet ekspertiza për të zbardhur plotësisht shkaqet e ngjarjes.