Një aksident rrugor është regjistruar mbrëmjen e sotme në zonën e Vaqarr, ku dy automjete janë përplasur me njëra-tjetrën.
Sipas informacioneve paraprake, rreth orës 19:05 automjeti i drejtuar nga shtetasja Xh. Sh. është përfshirë në një përplasje me mjetin që drejtohej nga shtetasi A. P.
Si pasojë e aksidentit kanë mbetur të lënduar gjashtë fëmijë të mitur, të moshave 6 deri në 10 vjeç, të cilët udhëtonin si pasagjerë në automjetin e drejtuar nga gruaja, si edhe vetë drejtuesja e mjetit.
Të plagosurit janë transportuar në spital, ku po marrin ndihmë mjekësore dhe, sipas burimeve zyrtare, ndodhen jashtë rrezikut për jetën.
Ndërkohë, grupi hetimor po vijon punën për zbardhjen e plotë të shkaqeve dhe rrethanave të aksidentit.