Një aksident i rëndë ka ndodhur para pak minutash në zonën e njohur si “Ura e Vocit” ku dy makina janë përplasur më njëra tjetrën.
Për rrjedhojë mësohet se janë plagosur të dy drejtuesit e mjeteve.
Siç mund ta shikoni dhe nga pamjet e mëposhtme njëra nga makinat ka përfunduar e përmbysur në livadh.
Burimet policore në Bulqizë bëjnë me dije se ngjarja ka ndodhur në aksin rrugor Bulqizë-Pishat.
Kanë qenë banorët e zonës ata që pikasën aksidentin dhe menjëherë njoftuan ambulancën dhe policinë.
Bluzat e bardha bëjnë me dije se dy të plagosurit ndodhen jashtë rrezikut për jetën.
Sakaq policia dhe grupi hetimor po vijojnë me hetimet për zbardhjen e plotë të ngjarjes.