Një aksident i rëndë ka ndodhur mbrëmjen e sotme në Unazën e Madhe të Tiranës, ku një ngjarje e trefishtë rrugore mes dy automjeteve dhe një motoçiklete ka sjellë pasoja tragjike.
Sipas të dhënave paraprake, viktimë ka mbetur drejtuesi i motoçikletës, 38-vjeçari O. Xh., i cili nuk ka mundur t’u mbijetojë plagëve të marra. Dy drejtuesit e automjeteve të përfshirë në aksident, shtetasit Gj. L. dhe A. Sh., ndodhen në vendngjarje dhe po asistojnë organet hetimore.
Grupi hetimor po punon për të përcaktuar shkaqet dhe dinamiken e plotë të aksidentit, ndërsa procedurat po vijojnë.