Një aksident i rëndë mësohet të ketë ndodhur pasditen e sotme në rrugën në segmentin Qafë e Buallit-Vajkal në vendin e njohur si mbikalimi që lidh dy lagjet e qytetit të Bulqizës.
Burimet bëjnë me dije se drejtuesi i makinës tip Tuaran humbi kontrollin duke u përplasur në kolonën e urës.
Si pasojë e përplasjes drejtuesi i mjetit ka marrë plagë të rënda.
Menjëherë në vendngjarje ka shkuar policia dhe ambulanca që bën të mundur dërgimin e të plagosurit drejt spitalit të Bulqizës i cili po merr mjekim.
Ndërkohë policia ka nisur hetimet rreth shkaqeve të aksidentit.