Kryetari i Këshillit Kombëtar të Partisë Demokratike Edi Paloka tha se ajo çfarë ndodhi sot në Parlament është për të treguar se çfarë e pret qeverinë nga e hëna e tutje.
Sipas tij, aksioni i opozitës ka një objektiv të caktuar që është krijimi i një qeverie teknike dhe gjithë energjitë do përqëndrohen pikërisht në arritjen e këtij objektivi.
“Shqiptarët do të ngrihen kundër Edi Ramës, Xhorxh Sorosit, Aleks Sorosit dhe mafies ndërkombëtare
Thashë, ajo që ndodhi sot në Parlament është vetëm një akt për të treguar se çfarë i pret nga e hëna e tutje.
Nëse duan ta marrin mesazhin është punë për ta, përndryshe reagimi ynë do jetë vetëm ky që sot në mënyrë simbolike dhanë deputetët.
Rama nuk njeh gjuhë tjetër, nuk njeh marrëveshje, nuk njeh ligj, nuk njeh institucione, nuk njeh Kushtetutë dhe tolerancë, kështu që unë nuk po them asgjë tjetër, nuk po them asgjë më tepër nga ajo që kam thënë vazhdimisht: Jemi në diktaturë dhe diktaturës duhet t’i përgjigjemi me forcë.
Rrugë tjetër nuk ka dhe këtë duhet ta kuptojnë sa më shpejt edhe shqiptarët sepse kjo nuk është më beteje vetëm e opozitës por e gjithë shqiptarëve”, tha Paloka