Administrata e Presidentit Donald Trump njoftoi se ndihma ushqimore për rreth 42 milionë amerikanë do të reduktohet në nëntor, pas një mbylljeje njëmujore të qeverisë.
Qeveria do të përdorë 4,65 miliardë dollarë nga një fond emergjence për të financuar pagesat e programit SNAP, programi më i madh publik i ndihmës ushqimore në SHBA. Sipas një zyrtari të Departamentit të Bujqësisë, ky fond do të mbulojë afërsisht 50% të ndihmës për familjet përfitues.
Ky vendim vjen pas urdhërit të një gjyqtari federal në Providence, që kërkoi përdorimin e fondeve emergjente për të siguruar vazhdimin e programit, pas bllokimit të buxhetit mes demokratëve dhe republikanëve.
Presidenti Trump deklaroi se është i gatshëm të lirojë fondet e nevojshme nëse gjykatat vendosin në favor, duke shtuar se nuk dëshiron që amerikanët të vuajnë nga uria.
Nga ana e saj, udhëheqësi i pakicës demokrate në Dhomën e Përfaqësuesve, Hakeem Jeffries, akuzoi administratën për “shfrytëzim të urisë” së 42 milionë përfituesve të programit.