I ftuar në emisionin “Off the Record” në A2 CNN, Bamir Topi u shpreh rreth mundësisë për t’u rikthyer në jetën politike dhe pjesëmarrjes së tij në zgjedhjet e ardhshme parlamentare.
Ish-kreu i shtetit, përgjatë fjalës së tij tha se ndonëse e ka pasion politikën, nuk mund të futet në atë që ai e cilësoi si një “ndeshje të trukuar” dhe të paracaktuar.
“Fakti që jam këtu tregon që e kam pasion politikën, por kam edhe një parim që nuk futem në një fushë me ndjeshje të trukuar. Sepse ka një arbitër që e jep ndeshjen në drejtim të caktuar. Nuk do e mendoja dy herë po të kishte kushte. Sepse politika është arti që të jep shansin për të ndryshuar gjërat. Por në këto kushte do të ishte një ofezë për veten time. Nga eksperienca ime në politikë është se duhet të jesh me 4 sy. Rreziku nuk vjen nga ata që ke përballë, por nga atë që vijnë pas shpine”, tha Topi.