Shumë vite më parë, festa e Krishtlindjes zgjaste rreth dy javë, por me kalimin e viteve, tradita ka ndryshuar.
Duke qenë një festë që sjell gëzim, hare dhe afron më shumë njerëzit me njëri-tjetrin, ngadalë ngadalë është bërë që Krishtlindjet të festohen rregullisht gjatë gjithë dhjetorit, dhe në disa vende, në një pjesë të mirë e nëntorit gjithashtu.
Por katër muaj festime në Filipine i japin kuptim të ri termit “stinë festash”.
Filipinasve u pëlqen një justifikim për të festuar dhe Krishtlindjet janë festa më e madhe dhe më e gjatë nga të gjitha.
Krishtlindja festohet gjatë muajve “ber”, siç quhet në Filipine domethënë shtator, tetor, nëntor dhe dhjetor.
Shumë nga traditat e saj, si pema e Krishtlindjes ose Santa Claus, erdhën në vend nga Amerika e Veriut. Edhe pse Krishtlindjet zakonisht nënkuptojnë borë dhe mot të ftohtë, Filipinet janë në ekuator, që do të thotë se nuk bie kurrë borë dhe nuk ka stinë dimërore.