Vrasja e shqiptares, Ilaria Sula, nga ish i dashuri i saj filipas vijon të jetë në qendër të vëmendjes së mediave italiane.
Së fundmi raportohet se babai i viktimës, Flamur Sula, ka treguar bisedën e fundit me ish partnerin e vajzës së tij njëherazxi dhe autorin që i mori jetën Ilarias, 23-vjeçarin Mark Samson.
Flamur Sula tregon se ka patur kontakt me Mark Samson gjatë ditëve kur e bija konkludonte e zhdukur dhe nuk dihej akoma se ç’kishte ndodhur me të.
Ai rrëfen se Mark i ka thënë se sa shumë e do Ilarian dhe se nuk do ta lëndonte kurrë.
“E pyeta Markun, atë vrasësin, a ke ndonjë lidhje me këtë histori që Ilaria u zhduk?”. Ai m’u përgjigj: ‘Unë e dua Ilarian… Nuk do ta lëndoja kurrë’. Por përkundrazi këtë kishte bërë”.
Kujtojmë se Mark u ka shkruar një letër nga qelia prindëve të Ilaria Sulës, nëpërmjet të cilës u ka kërkuar falje për gjithë çfarë ka ndodhur duke shprehur prendesë për vrasjen e 22-vjeçares.
Prindërit e viktimës janë shprehur të habitur që letra mbërrit te ta në këtë moment, ndërsa thonë se për Samson nuk ka falje.