Së fundmi një mashtrim i ri ka nisur të qarkullojë përgjatë përdorimit të aplikacionit WhatsApp.
Bëhet fjalë për një mesazh nëpërmjet të cilit ftohen qytetarët të regjistrohen në një kazino online duke premtuar përfitimin e 1000 eurove.
Bashkangjitur mesazhit ndodhet dhe një link që të çon te faqja e kazinos në fjalë.
Kjo është një skemë mashtrimi e vjedhjes së të dhënave të kartave të kreditit, që mund të rezultojë më pas në grabisjen e llogarisë tuaj.
Ndaj këshillohet që të mos klikoni në link dhe mesazhin ta raportoni te WhatsApp si “Spam”.


