Viti që sapo lamë pas ka shënuar një bilanc tragjik mes emigrantëve të cilët u larguan nga vendi I tyre në drejtim të Europës për një jetesë më të mirë, por fundi për ta ishte tragjik.
Sipas një raporti të fundit, afro 2,200 persona humbën jetën ose u shpallën të zhdukur në Detin Mesdhe gjatë vitit 2024.
Kjo shifër, e cituar në një deklaratë nga Regina De Dominicis, drejtoresha rajonale për Evropën dhe Azinë Qendrore në Unicef, u përforcua dhe natën e Vitit të Ri, kur 20 persona u raportuan të zhdukur pasi një anije u fundos në brigjet pranë Libisë.
Numri i viktimave dhe i personave të zhdukur në Detin Mesdhe në vitin 2024 mësohet se e kalon shifrën 2,200 me gati 1,700 jetë të humbura vetëm në rrugën qendrore të Detit Mesdhe.
Mes këtyre personave përmenden dhe famijë, cilët përbëjnë një raport prej një në pesë persona që migrojnë përmes Mesdheut.
Shumica prej tyre zbulohet se u larguan nga konfliktet e dhunshme dhe varfëria.
Italia, kryeson listën për destinacionin pritës për njerëzit që përpiqen të arrijnë në Evropë, me rrugën e Mesdheut Qendror që konsiderohet si një nga rrugët më të rrezikshme në botë.