A e dini se Lamine Yamal ka një zakon përpara çdo ndeshje që luan? Nuk e dimë a i sjell fat, apo është diçka që e ndihmon për ta karikuar më shumë në lojë.
Mediat bëjnë me dije se Yamal ‘shikon momentet kryesore’ të dy legjendave të Barcelonës në YouTube para çdo ndeshje.
Para çdo loje, 17-vjeçarit i pëlqen të shkojë në YouTube dhe të kërkojë pikat kryesore të lojtarëve të ndryshëm.
Sipas The Athletic, ai kërkon Neymarin, lojtarin e tij të preferuar, dhe Lionel Messin në YouTube.
Neymar dhe Messi të dy luajtën për Barçën dhe shijuan periudhat vezulluese në klub.
Yamal është shfaqur si një nga lojtarët më të mirë në futbollin botëror pas paraqitjeve të tij mahnitëse për Barcelonën dhe Spanjën, ku frymëzoi ekipin e tij kombëtar në lavdinë e Euro 2024 verën e kaluar.
Ai ka shënuar tashmë gjashtë gola në të gjitha garat këtë sezon, pasi ka shënuar shtatë gola sezonin e kaluar.