TIRANË– Partia e Lirisë po mban protestë para godinës së SPAK për lirimin e presidentit të PL Ilir Meta, i cili po mbahet në “arrest me burg”. Militantët mbanin pankarta të ndryshme, ndër të tjera edhe “ndal burgimeve politike”.
Ndërsa sekretari i Përgjithshëm i Partisë së Lirisë Tedi Blushi lexoi mesazhin e Metës. Ndërsa është shprehur se se sot është vrarë besimi tek drejtësia.
“Jemi këtu për një mision kombëtar për një drejtësi të pavarur. SPAK është bunkeri i fundit i qeverisë së Ramës. Është vrarë besimi tek drejtësia. Sot kemi në pushtet një narko-qeveri, më të korruptuarën e Europës. Kjo drejtësi mbylli dosjen e Dibrës, Elbasanit. Rama ka blerë dhe ka grabitur zgjedhjet. SPAK është kthyer në oksigjen për Rilindjen. SPAK mbyll sytë përpara kullave të drogës dhe korrupsionit shtetëror, të lidhur me afera ndërkombëtare, si ajo McGonigal. SPAK është mbrojtësi i tradhtisë kombëtare, me mosveprimet e tij, përballë denoncimeve shokuese. Me inceneratorin e Tiranës është vjedhur pa maska. Opozita po persekutohet politikisht, përmes hetimeve të montuara.”- tha Blushi./Radar.al
Partia e Lirisë protestë para SPAK, mungojnë deputetët e PD-së